Petra ? Perak ?

Posted: 10 Genver 2013 in Buhez ar blog
Tikedennoù:

Pell-zo (ouzhpenn pemp bloaz bremañ !) e talc’han ur blog e galleg, troet kentoc’h war al lennegezh, hag ar romantoù polis dreist-holl (skrivañ a ran ivez pennadoù-barn ‘vit al lec’hienn Polars Pourpres, a alian deoc’h groñs, ma plij deoc’h seurt lennegezh ‘vel just).

Er penn-kentañ e komzen warnañ d’eus a bep seurt traoù. Hogen, dilezet ‘m eus tamm-ha-tamm ar pennadoù war ar sinema pe ar bannoù-treset (da skouer) dre ziouer a amzer, ha dre ma kaven gwelloc’h strivañ war ma fennadoù a-zivout ar romantoù, o soñjal ne oa ket tu din ober kalz ha mat war an dro.

Pell-zo ‘ivez m boa c’hoant ober war-dro ur blog “sevenadurel” e brezhoneg, dre ma kav din ez eus un diouer anezho. Ral eo c’hoazh ar blogoù e brezhoneg ha raloc’h c’hoazh ar re a zedenn ac’hanon. En ur mod ledanoc’h, soñjal a ran n’eo ket bras a-walc’h implij ar yezh war Internet, daoust ma ya war-raok tamm-ha-tamm (war Facebook pe Twitter da skouer). Er bed a-vremañ e soñj din ez eo a-bouez ‘vit ur yezh, forzh pehini ‘vefe, bezañ war Internet, koulz ‘vel lec’h all. Ur gwir c’hoant a zo ivez  ganin da brouiñ ez eo bev-mat ar brezhoneg, peogwir ez eo ma yezh, anat deoc’h, met ivez traken ‘vit ar blijadur da amerdiñ tud-zo (heuliit ma sell).

N’am eus ket c’hoant e vefe Korn an dudi un “eilañ-pegañ” pe un droidigezh d’eus ma blog gallek setu ne vo ket. Warnañ ‘m eus c’hoant kaozeal d’eus muioc’h a draoù. Lennegezh ‘vel just, met ivez sinema, sonerezh (dre ma kemer muioc’h a blas em buhez bremañ), pe c’hoazh traoù all ma ‘m eus c’hoant (bevenn ebet ^^)… ‘Vit an abeg-mañ (n’am eus ket muioc’h a amzer vak siwazh), n’ez in ket ken don en dielfennañ ‘vel just. N’eo ket ‘vit kement-se ‘vo nul ar pennadoù ‘michañs, met n’eo ket din da varn, deoc’h ne lâran ket. 😉

Setu, graet eo ar pep aesañ (pe dost) : krouiñ ar blog. Ha sevenet ganin unan eus ratozhiadoù mat ar bloavezh nevez war ar marc’had. Ne chom “nemet” da vouetañ anezhañ ingal bremañ.

Advertisements

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out /  Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out /  Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out /  Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out /  Kemmañ )

War gevreañ ouzh %s